حلول أهم المشاكل التى تواجه طلاب الصفين الأول والثاني الثانوي بخصوص الأمتحانات.
#هام_جدآ للصف الأول الثانوي و الثاني الثانوي.
1-الامتحان في البيت ولا لأ؟!
اه الامتحان في البيت وبالنسبه لاولي ثانوي في هيمتحنوا تجريبي في 5 ابريل وتانيه مش هيمتحنوا معاهم
2-الامتحان لحد فين؟!
-الامتحان علي اللي درسته لحد يوم 15مارس ونزلته في بوست قبل كدا
3- هي الاكواد بتاعت الامتحان نزلت ولا لسه؟!
-لا الاكواد لسه منزلتش كل ماده ليها كود وهينزل لما الامتحانات تبقي تتعمل واما هينزل ف المدرسه او هينزلوه ف موقع بردو
4-اومال اي الكود اللي نزل دا؟!
-الكود دا هو ال username بتاعك عند الوزاره ومختلف وكل واحد ليه كوده ومفيش حد شبه التاني وهو دا الكود اللي هتدخل بيه عالمنصه ومينفعش يكون مع حد غيرك بكرر تاني مينفعش يكون مع حد غيرك والكود دا هو نفسه اللي معاك من اولي ومتغيرش والوزاره نزلته عشان الناس اللي ضايع منها او مستلمهوش يجيبوه من الموقع بدل ميروحو المدرسه ويعملو ازدحام
5-هو انا لو محدثتش التاب فيها خطر او هو انا لو هكرت التاب مش هعرف امتحن؟!
- قولت قبل كدا وهقول تاني انت كل اللي محتاجه اي smart phone عشان تمتحن سواء التاب متهكر او لا سواء حتي بالفون او باي جهاز بيدخل علي google chrome بس بردو مفيهاش حاجه لو نزلت التحديث مش صعبه
6-هو ازاي اشحن الشريحه او ازاي اظهر الرقم لو مش معاك؟!
-هتحط الشريحه ف اي فون عادي وهتتصل علي #688* وهيظهرلك الرقم وهتروح اي سنترال تحول ب 10جنيه رصيد عالرقم
7- بيظهرلي الشريحه غير مدعومه اعمل اي؟!
- انت لا محتاج تروح شركه ولا محتاج تغير الشريحه كل اللي هتعمله انك هتمشي عالخطوات دي بالترتيب وهيشتغل معاك بإذن الله
1/هتروح تحول رصيد ب 10جنيه للشريحه
2/ هتدخل علي برنامج Sim toolkit اللي متثبت عالتاب
3/ هتختار Roamingservices
4/هتختار selekt mode
5/ لو كانت النجمه علي Automatic* 👉كدا هتختار Manual وبعدها تختار National
اما لو كانت النجمه علي Manual*👉 كدا هتخليها علي Automatic
6/هتقفل التاب وتفتح تاني والشريحه هتشتغل
8- بشغل الداتا ومش بتفتح اعمل اي؟!
-هتحول رصيد ب 10 جنيه وهتمشي عالخطوات دي
1/هتفتح الاعدادات(settings)
2/هتختار الاتصالات(connections)
3/هتختار شبكات الهواتف المحموله (Mobile networks)
4/هتختار اسماء نقاط الوصول(Access point Names)
5/هتختار اضافه(Add)
6/هتكتب ف الاسم:- TE Internet
وهتكتب ف الAPN:-
Internet.te.eg
7/هتتغط عالنقط اللي فوق وتعمل حفظ (save)
8/هتفعل الاسم دا وتخلي الدائره اللي جمبه زرقا
9/تقفل التاب وتفتحه تاني والداتا هتفتح معاك عادي
9-لو انا كنت مهكر التاب وعاوز ارجع للوزاره اعمل اي؟!
-هتعمل اعاده ضبط مصنع وتسيبه يحمل وهو هيرجع للوزاره لوحده
10- اي برنامج Edmodo دا؟!
دا موقع تعليمي بتحضر عليه شرح لايف للمدرسين عشان المذاكرة وبتعمل تسجيل دخول باكونت جوجل عادي وبتشوف انت عاوز تحضر لاي مدرس وبتاخد منه الكود بتاعه لان لكل مدرس كود وتدخل تحضر لايف زي نون اكادمي كدا ولو عاوزين طريقه تسجيل الدخول قولو في التعليقات.
11- الشريحه بتاعتي ضاعت اعمل اي؟
- هتاخد الورق اللي استلمت الشريحه بيه مالمدرسه وهروح لاقرب فرع we وهتستلم غيرها ومن غير ما تدفع فلوس.
12- انا حدثت التاب ولسه مفتحش عندي جوجل اعمل اي؟!
-شوف زمايلك من نفس المحافظه لو فتح عندهم يبقي هيفتح عندك وكلها مسالة وقت ولو مفتحش يبقي الوزاره لسه مفعلتهوش ف محافظتك وبردو هيفتح وللتاكيد مثلا عندي فتح من اول مالوزاره فتحته ومن غير محدث التاب وعند بنت عمي لسه فاتح النهارده بعد محدثت التاب ف هيفتح متقلقش.
13-الاكواد هتبقا نفسها بتاعت الترم الاول ولا لأ والامتحانات هتبقي شبه بعض ولا لكل واحد امتحان؟!
- اولا الاكواد ه منزلتش ومحدش يعرف هتبقي نفسها بتاعت الترم الاول ولا هتتغير واي واحد هيقول اي كلام يبقي بيهبد وثانيا الامتحان بيبقي له 3 نمازج وبتتوزع بتلت اكواد ممكن كودك يبقي نفس كود زميلك بس ترتيب الاسئله مختلف وممكن الكود يبقي مختلف والامتحان كله مختلف.
13- هو فعلا الكاميرات هتتفتح وهنبقي متراقبين مالوزاره؟!
- مفيش قرار رسمي واي حد هيقول اه قوله انت بتهبد تمام.
14- هو انا ممكن انا واصحابي نمتحن ف نفس البيت؟!
بص ي كبير اولا الموضوع يعود لمبداك انت لو كنت قابل انك تحل في ظيته ويبقي تجمع و كورونا بقا وتعب وقرف ومن ناحيه تانيه الانترنت اللي هتمتحنوا عليه دا مش هيتحمل الضغط لاكتر من تابلت والامتحان هيعلق معاك انت واصحابك وتخرج والوقت يعدي ومتعرفش تدخل وهوبا تلاقي نفسك ملحق يبقا ليييييييييه متمتحن ف بيتك معزز مكرم.
15-ازاي احدث التاب؟!
1/هتدخل علي الاعدادات(settings)
2/هتختار تحديث البرامج(software update)
3/هتختار تنزيل التحديثات يدويا ( Dawnload updates manually)
4/هيبدا يبحث عن تحديثات وهيجيلك اشعار بالموافقه هتوافق وبكدا التاب هيتحدث
16- هو انا ممكن امتحن علي واي فاي البيت ولا لازم اشحن الشريحه؟!
واي فاي البيت لو كويس امتحن عليه عادي معندكش وايفاي اشحن الشريحه وامتحن شيل الشريحه خالص وحط شريحه من عندك فيها رصيد المهم ان التاب يوصله نت وهتمتحن وربنا
17-طيب انا عندي مواقع الوزاره كلها مقفوله مش بتتفتح اللي هو بنك المعرفه والبرامج التانيه اعمل اي؟! هتدخل علي ال knox وهتدخل علي التلت شرط اللي جمب بعض عالشمال فوق وهتدخل علي. Dawnload configuration وتعمل delete ليهم كلهم وترجع تعمل install تاني وهيفتحوا معاك
اي سؤال تاني اسالوه وانا هجاوبكوا علي حد معرفتي......
كويس
ردحذفشكرا لك
حذفالتاب لم يتم تحديثه وفي الضبط التحديث مغلق رمادي وزملائي تم التحديث عندهم من فترة
ردحذفالتحديث بينزل دفعات وشغل التاب علي نت قوي (اعمل إعادة تشغيل للجهاز)
حذفهدخول علي الامتحان ازاي
ردحذفعن طريق المنصة بس لسه متفعلتش
حذفانا بدخل البريد الالكتروني وكلمة السر ومش بيدخل ؟؟
ردحذفاتاكد من كتابة الاحرف الكبيتل و السمول صحيحة في كلمة السر .
حذفلو سمحت انا دلوقت بدخل الايمل بتاعى وكلمه السر الى المدرسه ادتهونى على تسجيل الدخول غلى منصه الامتحان وبيقول ان خطا فارجو الرد ازاى اعمل ده والخطوات
ردحذففي كلمة السر فيها احرف كبيتل و سمول اتاكد من ادخلها صحيح
حذفانا بيظهر عندى بطاقة sim غير مدعومة انا لو مشيت على الخطوات هتشتغل ولازم اشحن الشريحة من السنترال ولا من اية وعادى اشحن من فورى
ردحذفاشحن 10ج عادي من اي مكان وامشي علي الخطوات اصبر عليه شوية وهيشتغل معاك الخط (لو مشتغلش بعد ما تعمل الخطوات اتصل ب 19777 ومليهم رقم الخط وخدمة العملاء هيشغلوا الخط)
حذفممتاز
ردحذف